Қаңтар айының басында елімізде ойран салған бүлікшілердің қатыгездігі көңілге қаяу түсірді. Аласапыран шақты әлеуметтік желіде сарбаз бен кішкентай баланың суреті жария болды. Сол фотодағы сарбаз Ұлттық ұланда қызмет етеді, – деп жазады, – деп жазады otyrar.kz.
Ұлттық ұланның «Оңтүстік» өңірлік қолбасшылығына қарасты 6698 әскери бөлімінде қызмет ететін ефрейтор Шахрух Хасанов қаңтардың 4-і күні жұмысқа шыққан. Олар Шымкент қалалық әкімдіктің маңына қоғамдық тәртіп пен қауіпсіздікті қамтамасыз еткен.
Кеңінен таралған фото 7 қаңтарда түсірілген екен. Әкімдік алдындағы алаңда қызмет атқарып тұрған жауынгерге кішкентай бала жүгіріп келіп, қол алып амандасқан. Жауынгер де баланың қолын қайтармай, сәлемін алып, басынан сипап, әкесіне қарай жіберген.
Баланың әкесінің айтуынша, бірнеше күн үйден шықпаған бала әбден зерігіп, далаға серуенге шыққанына қатты қуанған. Ал осы сәтті сол маңайда түсірілім жасап жүрген OTYRAR TV журналистері түсіріп алған.
Ефрейтор Шахрух Хасанов Ұлттық ұланда 10 жылдан бері қызмет етеді. Үйленген, екі ұлы бар.
