Қарағандыда BMW X5 жүргізушісі Audi-мен соқтығысып, жанармай бекетіне бұзып кірді. BMW жолаушыларының бірі қайтыс болды, екіншісі ауруханаға түсті.
Ресми мәліметке сәйкес, оқиға Қарағанды – Сарань тасжолында болған. BMW Х5 маркалы көліктің 22 жастағы жүргізушісі алдында келе жатқандардан басып озамын деп, жол жиегімен қатты жылдамдықпен жүрген. Ал жанар-жағармай станциясына бұрылған Audi жүргізушісі оны көрмей қалған. Джип оны соғып, инерциямен "Қазмұнайгаздың" таблосына кіріп кеткен.
Қазіргі кезде сотқа дейінгі тергеу шаралары басталды.
