Төтенше жағдайлар министрлігінің бөлімшелері төтенше жағдай жарияланған күннен бастап әртүрлі әкімшілік, оның ішінде мемлекеттік меншік объектілерінде, сондай-ақ, тіршілікті қамтамасыз ету объектілері мен бизнес субъектілерінде болған 117 өртті сөндірді, - деп хабарлайды ҚР ТЖМ баспасөз қызметі.
"Бұл ретте ТЖМ күштері өрт сөндіру кезінде 30-дан астам адамды құтқарып, 115 адамды эвакуациялады. Төтенше жағдайларды жоюға жеке құрамнан 1 300-ге жуық адам және 250 бірлік техника жұмылдырылды. Өздерінің қызметтік міндеттерін орындау кезінде 10 қызметкер зардап шекті. Оның ішінде 1 қызметкер оқ жарақатын алды. Жеке құрам қызметкерлеріне медициналық көмек көрсетілгеннен кейін үйлеріне қайтарылды", - делінген хабарламада.
Өрт сөндіру кезінде жалпы 30 бірлік
өрт сөндіру-құтқару техникасы қирады. Тәртіп бұзушылар 7-еуін айдап әкетіп, оның 5-еуін өртеп жіберген. Тағы 25-і қирады.
Қазіргі уақытта 21 техника қалпына келтірілді, қалғаны іске жарамсыз.