Біртанов ісі сотқа жетті
Біртанов ісі сотқа жетті
Фото: dalanews.kz

Қазақстанның бұрынғы Денсаулық сақтау министрі Елжан Біртановқа қатысты қылмыстық іс сотқа жетті. Бұл туралы Нұр-Сұлтан қалалық соты хабарлады.

«Қылмыстық іс сотқа жетті. Судья келіп түскен іс бойынша 5 тәулік ішінде жалпы немесе қысқартылған тәртіппен басты сот талқылауын тағайындау туралы не істі алдын ала тыңдауды өткізу туралы шешім қабылдайды» делінген қалалық соттың ресми хабарламасында.

Экс-министрдің адвокаты Дмитрий Куряченконың айтуынша, іс материалдарымен танысу аяқталды.

Бұған дейін Біртановтың үйқамақ мерзімі ұзарғанын хабарлаған болатынбыз.