Әбу Дабиде хуситтер дронмен шабуыл жасап, мұнай танкерлерінің күлін көкке ұшырды

Әбу Дабиде хуситтер дронмен шабуыл жасап, мұнай танкерлерінің күлін көкке ұшырды
Фото: vestiukraine.livejournal.com

Йемендегі хуситтер Біріккен Араб Әмірліктеріне тұтқиылдан шабуыл жасады. Олар 20 дронмен зымыран ұшырып, мұнай танкерлерін жарып жіберді. Бұл туралы AFP хабарлады.

Жойқын соққы салдарынан екі үндіс пен пәкістандық қаза тапты. Шабуылдан соң Әбу Даби әуежайы маңы өртке оранды.

БАӘ-нің сыртқы істер министрі Абдулла бен Заид әл-Нахаян хуситтер шабуылының себебі анықталып жатқанын айтты.

Ал хуситтер өкілі Яхия Сария БАӘ аумағында әлі де шабуыл жасап, жойқын соққы беретінін мәлімдеп отыр.

«БАӘ-де аумағында кешенді, жүйелі әскери операция өткіздік. Йемен әскері басқыншыларға тойтарыс бере алады. Басқыншыларды басындырмайды», – деп мәлімдеді Яхия Сария.

Дереккөздің жазуынша, Йемендегі қақтығыс салдарынан миллиондаған адам баспанасын тастап, басы ауған жаққа босып кетті. БҰҰ-ның мәліметінше, 2021 жылы соғыс 377 000 адамның өмірін жалмады.

 

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.