WhatsApp-та Қазақстан Ресейден келетін көліктерге мемлекеттік нөмірлер беретіні туралы хабарлама тарады. Ақпаратты «Азаматтарға арналған үкімет» мемлекеттік корпорациясы жоққа шығарды, – деп хабарлайды Tengrinews.kz.
Хабарламада Ресейден 102 мың теңгеге сатып алынған көлікті Қазақстанда тіркеуге рұқсат етілгенін айтылған.
«Азаматтарға арналған үкімет» бұл ақпараттың шындыққа жанаспайтынын айтты.
«Суреттегі мемлекеттік нөмір 2022 жылы 13 қаңтарда берілген, көлік те сол уақытта алғаш тіркеуге тұрған. Ресейлік нөмірлері бар автокөлікті қайта тіркеу үшін қайта өңдеу және басқа да кедендік алымдардан басқа, арнайы ХҚО-да 0,2-ден 500 АЕК-ке дейін (612-ден 1,5 млн теңгеге дейін – шамамен) төлеу қажет.
Азаматтардан жалған ақпарат таратпауды және көлік жүргізушілерін адастырмауды сұраймыз», – деп түсіндірді мемлекеттік корпорация.
