«Халыққа көмек» жобасы аясында «Nur Otan» партиясының Алматы облысы Текелі қаласының және Шымкент қаласының Абай аудандық филиалдарына тұрғындар келіп, көшелерге асфальт төсеу бойынша өтініш білдірді. Олар бұл мәселені бірінші рет көтеріп отырған жоқ.
«Nur Otan» партиясы Текелі қалалық филиалының мәслихат депутаты Н.Калиновский және Шымкент қаласы Абай ауданының әкімі Бұхарбай Рысқұлұлы халықтың өтінішін секере отырып, мәселенің оңтайлы шешілуін қадағалады. Нәтижесінде Текелі қаласының Шұғыла, Абай ауданының Шакиров және Балғын көшелеріне асфальт төсеу жұмыстары жүргізілетін болып шешілді.
2022 жылдың қаңтар айында көшелерге асфальт төселіп, тұрғындардың өтініші орындалды. Тұрғындар «Nur Otan» партиясына және қалалық мәслихат депутаты Н.Калиновскийға алғыс білдірді.
