«Халыққа көмек» жобасы аясында «Nur Otan» партиясы Алакөл аудандық филиалының қоғамдық қабылдау бөлмесіне Қабанбай ауылының тұрғындары келіп, ауылдың кейбір көшелерінде көше шамдары жоқ екенін айтып, ауылды көркейту мақсатында осы мәселені шешіп беруді сұрады.
«Nur Otan» партиясы Алакөл аудандық филиалы төрағасының бірінші орынбасары, «Қабанбай» БПҰ төрағасы Қайрат Құттыбекұлы бұл мәселені өз бақылауына алды.
Нәтижесінде «Қабанбай» БПҰ-ның жеке кәсіпкері, партияның белсенді мүшесі Жұмабай Мұсағалиев ауылдың Мұсағалиев көшесіне өз қаражатынан 4 млн. 800 мың теңгеге көшеге жарық шамдар орнатып берді. Жеке қабылдауға келген ауыл тұрғындары алғыс айтып, ризашылығын білдірді.
