Питер Гриффитс өз еркімен қызметінен кетті – комитет
Питер Гриффитс өз еркімен қызметінен кетті – комитет
Фото: yandex.kz

Питер Гриффитс «Қазақстанның авиациялық әкімшілігі» АҚ бас директоры қызметінен кетті. Бұл туралы Индустрия және инфрақұрылымдық даму министрлігі Азаматтық авиация комитеті ресми мәлімдеді.

«2021 жылғы 7 желтоқсанда берілген өтінішіне сәйкес, 2022 жылғы 7 ақпаннан бастап Питер Гриффитстің «Қазақстанның авиациялық әкімшілігі« АҚ бас директоры қызметіндегі өкілеттігі өз еркімен тоқтатылады. Питер Гриффитс «Қазақстанның авиациялық әкімшілігі« АҚ құрылғаннан бері 2 жылдан астам жұмыс істеді. Авиациялық реттеушінің дамуына үлкен үлес қосты. Оның басшылығымен азаматтық авиацияны басқару еуропалық модельге сәйкестендірілді. Мұндай тәсіл Қазақстанда алғаш рет енгізілді. ТМД елдері арасында бірегей әдіс болатын» делінген ресми хабарламада. Енді 7 ақпаннан бастап Линда Орлэди «Қазақстанның авиациялық әкімшілігі» АҚ бас директоры міндетін уақытша атқарады.

Бұған дейін «Авиация ақсап қала ма?» деп осы саладағы проблемаларды жазған болатынбыз.