Қарағандыда теміржол өткелінде тепловоз бен КамАЗ соқтығысты. Оқиға видеоға түсіп қалған. Оқиға Бытовая көшесінде сағат 17:22 шамасында болған. Қарағанды облысы ПД баспасөз қызметі оқиғаға қатысты түсініктеме берді. Ведомство аталған факт тіркелгенін атап өтті.
"32 жастағы КамАЗ жүргізушісі Бұхар-Жырау даңғылынан Асфальтная көшесіне қарай Бытовая көшесімен келе жатқан. Теміржол өткелінде ол тепловозбен соқтығысуға жол берді. ЖКО нәтижесінде көлік құралдары механикалық зақым алды. КамАЗ жүргізушісі медициналық көмекке жүгінген жоқ", - деп хабарлады ведомстводан.Сондай-ақ, полиция аталған учаскеде көктайғақ болмағанын, бағдаршам дұрыс жұмыс істегенін, жол белгілері де бар екенін атап өтті.
"Аталған факт бойынша сараптама тағайындалды. Олардың нәтижелері бойынша процессуалдық шешім қабылданатын болады", - деп толықтырды ведомство.