Қазақстандық балалар YouTube-тен нені көп іздейді?

балалар, YouTube, телефон
Фото: Bel.cultreg.ru

2021 жылы Қазақстанда балалар қандай мобильді қосымшаларды жиі қолданды? Kaspersky сарапшылары балалар көп уақытын жұмсайтын бірнеше қолданбаны атады.

Балалар арасында ең танымал әлеуметтік желілер ішінде бірінші орында YouTube тұр. Одан кейінгі орындарды WhatsApp пен TikTok алды.

Жалпы 2021 жылы бүкіл әлем бойынша балалар YouTube-тен ойындарға қатысты контентті жиі іздеген. Атап айтқанда, мобильді ойындарға қатысты видео түсіретін блогерлердің арнасы көп ізделді. Ең танымал ойын Minecraft болды. YouTube-тегі танымал топ-3 арна қатарында MrBeast, EdisonPts және Paluten бар. Ал ең танымал ойындардың ондығына алғаш рет Genshin Impact және Poppy Playtime ойындары кірді.

Балалар көбіне әуенді YouTube-тен тыңдайтын болып шықты. Оның ішінде BTS, BlackPink, Lil Nas X, Ariana Grande және Twice сияқты орындаушылар көп ізделді. Ең танымал әндердің бірі — CKay орындаушысының Love Nwantiti әні және Оңтүстік Кореяның Blackpink тобының қатысушыларының бірі LISA-ның — LALISА және MONEY әндері.

Фильмдер, мультфильмдер мен телешоулар арасында көбіне «Свинка Пеппа», «Лунтик», «Барбоскины» мен «Леди Баг и Супер-Кот» мультфильмдерін және «Веном 2» мен «Человек-паук: нет пути домой» фильмдерін іздеді.

Aikyn.kz | Бүгінгі жаңалықтар. Әлем және Қазақстан жаңалықтары.