Қызылорда облысында Балалар ауруханасында дәрігерлер 4 жасар қызға операция жасады.
Дәрігерлер 4 жасар қыздың асқазанынан салмағы бір келі шаш алды. Шаштың ұзындығы – 34 сантиметр.
Жедел хирургия бөлімінің меңгерушісі Әлімжан Төлегеновтің айтуынша, баланың асқа тәбеті болмай, ауруханаға ауыр жағдайда түскен.
«Балаға асқазан трихобезоары диагнозы қойылды. Дереу ота жасалды», – деді Төлегенов.
Операцияны хирург Әлімжан Төлегенов, анестезиолог Көркем Баекей, ассистент Самат Шуақбаев, медбике Ақмарал Бекташова бірлесіп жасады.