Астанадан Әбу-Дабиге қатынайтын жаңа әуе рейсі іске қосылды. Бұл туралы Индустрия және инфрақұрылымдық даму министрлігі Азаматтық авиация комитеті хабарлады.
«14 ақпанда Индустрия және инфрақұрылымдық даму министрлігі мен Wizz Air Abu Dhabi әуе компаниясы бірлесіп, екі елдің астанасы арасында жаңа тұрақты рейс ашты. Екі ортаға А-321 типті ұшақ қатынайды» делінген хабарламада.
Әуе рейсі дүйсенбі және жұма күндері орындалады. Билет құны 20 евродан басталады.
