Софияда (Болгария) өтіп жатқан бокстан "Странджа " халықаралық турнирінде Қазақстанға алғашқы «алтынды» Назым Қызайбай әкелді.
50 келіге дейінгі салмақ дәрежесіндегі "кіші әлем чемпионатының" финалында Қызайбай алжирлік Румайсой Буалемен кездесіп, төрешілердің бірауыздан қабылдаған шешімімен сенімді түрде жеңіске жетті — 5:0. Осылайша, Назым Қызайбай Қазақстан құрамасы үшін бірінші алтын медальді жеңіп алды және турнирде алғаш рет Қазақстанның Әнұраны шырқалды.
Сондай-ақ күндізгі сессияда Қазақстаннан Дамир Әбдіқадыр (51 кг) мен Дина Жоламан (54 кг) шаршы алаңға шықты, алайда олар турнирді күміс медальмен аяқтады.
