LIVE: Ресей – Украина соғысы. 8-күн

Ресей, Украина, соғыс
©А.Ахметқазы

18:14 - Украинаның Қарулы Күштері Киев облысындағы Буча қаласын қайтадан басып алды. Бұл туралы УНИАН агенттігі хабарлады.

16:11 - Ресей АҚШ-қа зымыран қозғалтқыштарын жеткізуді тоқтатады.

"Олар ғарышқа сыпырғыштарымен ұшсын", - деді Роскосмос басшысы Дмитрий Рогозин.

15:18 - ЕО Украинаға гуманитарлық көмекке 500 миллион еуро бөлді. Сонымен бірге, ЕО Румынияда гуманитарлық "хаб" құрмақшы.

13:58 - Украинаның Төтенше жағдайлар министрлігі Черниговтағы мұнай базасына снаряд түскенін хабарлады. Зардап шеккендер мен қаза тапқандар туралы ақпарат жоқ.

13:18 - Халықаралық паралимпиада комитеті Ресей және Беларусь спортшыларын Паралимпиададан шеттетті.

13:12 - Владимир Путин Мемлекеттік Думаға ҰҚШҰ-ның бітімгершілік қызметі туралы келісімге түзетулерді ратификациялауға енгізді.

Ол "үйлестіруші мемлекет"ұғымын енгізуді ұсынады.

12:28 - Қазақстан Украинадағы соғыста бейтарап болатынын мәлімдеді.

"Украина мен Ресей арасындағы қақтығыстың Қазақстанға ешқандай қатысы жоқ. Біз бұл жағын да, басқа тарапты да қолдамаймыз", - деді Қазақстанның Қорғаныс вице-министрі Сұлтан Камалетдинов.

- Мемлекет басшысы Қасым-Жомарт Тоқаев Украина президенті Владимир Зеленскиймен телефон арқылы сөйлесті. Тараптар Украина төңірегіндегі ахуал бойынша пікір алмасқан.

"Қасым-Жомарт Тоқаев Украинадағы әскери іс-қимылдарды тоқтату және одан әрі болдырмау үшін келіссөздер барысында уағдаластыққа қол жеткізудің маңызды екенін айтты. Мемлекеттер басшылары екі елдің гуманитарлық саладағы ынтымақтастығын одан әрі дамытуға келісті", - деп жазды Ақорда.

Тоқаев, Зеленский, Қазақстан, Украина
Фото: Ақорда

- Канада "Газпромның" және "Роснефтьтің" 10 негізгі қызметкеріне қарсы санкция енгізді.

- Бразилиялық Embraer әуеөндірушісі Ресей ұшақтарына қосалқы бөлшектер жеткізбейтін болды. Сонымен бірге ресейлік компаниялардың әуе паркіне қызмет көрсетпейді.

- Украинадағы ЕҚЫҰ-ның арнайы бақылау миссиясының қызметкері Марина Фенина Харьковтағы шабуыл кезінде қайтыс болды. Бұл туралы ТАСС жазды.

- Түнде Киевте жарылыстар болды. Харьков облысының Изюм қаласында да жарылыстар болған.

– Toyota, Lexus және Mercedes-Benz Ресейде автокөлік өндірісін тоқтатады.

Aikyn.kz | Бүгінгі жаңалықтар. Әлем және Қазақстан жаңалықтары.