Қазақстанның бірқатар қаласында жарылғыш заттар қойылғаны туралы хабарламалар келіп түсті, - деп хабарлайды Polisia.kz.
Қазақстанның бірқатар қаласында түрлі объектілерінде орнатылған жарылғыш құрылғылар туралы келіп түскен хабарламаларға байланысты келушілер мен персоналды эвакуациялау, ғимараттарды қоршау жүргізілді, арнайы техника мен қызметтік-іздестіру иттерін қолдана отырып, тиісті қызметтер мен мамандардың объектілерді тексеруі қамтамасыз етілді. Жарылғыш заттар туралы хабарламалар Нұр-Сұлтан, Алматы, Қарағанды қалаларында тіркелген.«Бүгін полицияның «102-ге» «My car» және «Lexus» автосалондары, «Хан Шатыр» және «Mega Silk Way» сауда орталығына белгілі бір электронды мекенжайдан жарылғыш құрылғы қойылғаны туралы хат келген. Қазіргі уақытта қаланың шұғыл қызметі нысандарды тексерумен айналысып жатыр», – делінген елордалық Полиция департаменті таратқан хабарламада.Аталған фактілер бойынша ҚР Қылмыстық кодексінің 273-бабы бойынша сотқа дейінгі тергеу басталды, оның санкциясында 5 жылға дейінгі мерзімге бас бостандығынан айыру жазасы көзделген. Ішкі істер министрлігі салынған жарылғыш зат туралы көрінеу жалған ақпарат тарату қылмыстық жауаптылыққа әкеп соғатынын ескертеді. Тұрғындарды сабырлық сақтауға, өткізілетін іс-шараларға және қабылданатын қауіпсіздік шараларына түсіністікпен қарауға және тек ресми ақпаратқа сенуге шақырады.