Ақсай қаласы Қызылтал шағынауданында 12 үйді су басты, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, бұл туралы хабар 1 сәуір күні сағат 23.55-те келіп түскен.
Су басқан үйлерден 8 адам эвакуацияланды, олардың төртеуі - балалар. Қалған тұрғындар туыстарының үйлеріне орналастырылды.
«Қазіргі уақытта үш ауданда 175 адам (52 техника, 2 жүзу құралы, 12 мотопомпа) су тасқынымен күреске жұмылдырылған», - деп хабарлады ведомстводан.