Мемлекет басшысының өкімімен Олжас Аязбиұлы Тулеуов Қазақстан Республикасының Стратегиялық жоспарлау және реформалар агенттігі төрағасының орынбасары лауазымына тағайындалды. Бұл туралы Ақорда хабарлады. Олжас Тулеуов 1990 жылы 7 қарашада дүниеге келген. Әл-Фараби атындағы Қазақ ұлттық университетінің Экономика және бизнес жоғары мектебін, магистратура бітірген. Тағылымдама және біліктілікті арттыру курстары: Солбридж бизнес мектебі, Вусонг университеті, Корея Республикасы; Ресейдің Орталық банкі; Чехия мен Швейцарияның ұлттық банктері; Біріккен Ұлттар Ұйымының Азия және Тынық мұхиты экономикалық және әлеуметтік комиссиясы (ЭСКАТО). 2012-2013 жылдары Қарағанды облысы Балқаш қалалық коммуналдық шаруашылығында жұмыс істеді. 2013-2015 жылдары AERC-те бизнес-сараптамашы. 2015 жылдан 2019 жылға дейін Қазақстан Республикасы Ұлттық банкінің зерттеулер және статистика департаментінде тәжірибеден өтіп, жетекші сарапшы, бас сарапшы қызметтерін атқарды. 2018-2020 жылдары – AppliedEconomicResearchCentre (қолданбалы экономиканы зерттеу орталығы) директорының орынбасары, басқарушы директоры. 2020 жылы – Қазақстан Республикасы Еңбек және халықты әлеуметтік қорғау министрлігі жанындағы «Еңбек ресурстарын дамыту орталығы» АҚ вице-президенті. Ұлттық банктің магистратурасында және оқу орталығында, Назарбаев университетінің магистратурасында, ММУ-дің қазақстандық филиалында оқытушылық қызмет. Қазақстан Республикасы Президенті Әкімшілігі жанындағы әлеуметтік-экономикалық реформаларды талдау және мониторинг орталығының мүшесі (02.2020 жылдан бастап).