Партия бағдарлары пысықталды
Партия бағдарлары пысықталды
Мемлекет басшысы, пар­тия Төрағасы Қасым-Жомарт Тоқаев саяси ұйымның ке­зектен тыс ХХІІ съезінде пар­тияны жаңғырту бойынша 7 басымдықты айқындап, нақ­ты жоспар мен бірқатар тап­сырма берген болатын. Осыған орай «AMANAT» па­р­­­тиясы Жамбыл облыстық фи­лиа­лын­да қоғам және пар­тия­ның бел­сенді мүшелері, са­­рап­шы­лар, об­лыстық мәс­лихат де­пу­таттары, об­лыс әкім­дігінің бір­неше бас­қар­ма бас­шылары­ның қатысуы­мен ар­найы отырыс өтті. Жиынға жи­­­нал­ғандар жоға­ры­да аталған бағдарламалық құ­­­жатты талқы­лап, ұсыныс-ой­ла­рымен бө­лісті. Қазір Төраға тапсырмасын орындау мақсатында «Бақуатты қоғам: онжылдықтың 10 мақсаты» атты партияның 2030 жылға дейін­гі бағдарламасы» бойынша бағ­дар­ламалық құжатын өзек­тендіру жұмыстары жүргізіліп жатыр. Сондай-ақ осы күні пар­тия­ның облыстық филиалы жа­нын­дағы Сыбайлас жемқорлыққа қарсы іс-қимыл жөніндегі қоғам­дық кеңес мүшелерінің қатысуы­мен «ҚазТрансГазАймақ» АҚ өндірістік филиалында дөңгелек үстел өтті. Шара барысында мекеме қыз­меткерлеріне Мемлекет басшысы Қасым-Жомарт Тоқаевтың «Жаңа Қазақстан: жаңару мен жаңғыру жо­лы» атты халыққа арнаған Жол­­­дауы­ның басым бағыттары мен міндеттері түсіндірілді. Со­ны­мен қатар Сыбайлас жемқор­лыққа қарсы саясатының 2022-2026 жылдарға арналған тұ­жы­рым­дамасынан туындайтын мін­дет­терді жүзеге асыру жайы қарас­тырылды. Оған қоса, партияның Сыбайлас жемқорлыққа қарсы іс-қимыл бағытындағы жүргізіліп жатқан жұмыстары туралы хабар­ланды.