Ақмола облысының Зеренді ауданында жоғалған ер адам ертесіне орман ішінен табылды, – деп хабарлайды ҚазАқпарат.
Облыстық ПД баспасөз қызметінің мәліметінше, 5 сәуір күні кешкі сағат 21:20 Зеренді аудандық полиция бөлімінің «102» желісіне 60 жастағы жергілікті тұрғын телефон шалып, көмек сұраған. Ер адам үйінен жылқы іздеуге шығып, орманда адасып қалғанын айтқан.
«Жоғалған адамды іздеуге Зеренді аудандық полиция бөлімінің жеке құрамы және еріктілерден құралған 50-ден астам адам тартылды. Іздестіру жұмыстары түні бойы жалғасты. Телефоны желі аймағынан тыс жерде болғандықтан, онымен байланысу мүмкін болмады. Ер адам тек келесі күні, 6 сәуірде сағат 11:00 шамасында Зеренді ауылынан 5 шақырым радиустағы орман алқабынан табылды», – деді ведомстводан.
ПД баспасөз қызметінен атап өткендей, ер адам түнде орман ішінде от жағып жылынған. Қазір оның өмірі мен денсаулығына қауіп төніп тұрған жоқ.
ПД баспасөз қызметінен атап өткендей, ер адам түнде орман ішінде от жағып жылынған. Қазір оның өмірі мен денсаулығына қауіп төніп тұрған жоқ.
