Денис Теннің өліміне байланысты сотталған Жанар Толыбаева түрмеден босатылды
Денис Теннің өліміне байланысты сотталған Жанар Толыбаева түрмеден босатылды
©www.gazeta.ru
Мәнерлеп сырғанаушы Денис Теннің өліміне байланысты сотталған Жанар Толыбаева түрмеден шықты. Бұл туралы ІІМ қылмыстық-атқару жүйесі комитетінің баспасөз қызметі хабарлады. Комитеттің хабарлауынша, Толыбаева 2021 жылдың желтоқсанында ҚАЖ мекемесінен шығарылған. Ол 2019 жылы қылмыс туралы хабарламағаны үшін 4 жылға бас бостандығынан айырылған болатын. Ол екінші баласын түрмеде босанды. Сөйтіп, жазасын баласымен бірге Алматы облысы Жауғашты ауылындағы ЛА-155/4 түзету мекемесінде өтеді. Толыбаева баласын босанған соң бір жылдан астам уақыт бостандықта болды. Алайда колонияның сот алқасының уақытында марқұмның туыстарына сотталушының сотқа өтініш түсіргені туралы ескерту бермегендіктен қайта тоғытылған. "Заң бойынша ауыр қылмыс кезінде жазаның үштен бір бөлігін өтеп, шығуға болады. Егер ешқандай заңбұзушылық болмаса, түрме ішіндегі тәртіп жақсы болса, жазаны жеңілдетеді. Осы мерзімді өтегеннен кейін сотқа арыз жаздым. Баламен бұл жерде отырған маған да оңай емес. Сот шешімімен менің жазам 73-бап бойынша бас бостандығын шектеуге ауыстырылды. Бірақ 1 жыл 3 айдан кейін қайтадан осы жерге, жалпы колонияға оралып отырмын", – деді Толыбаева. Айта кетсек, Денис Тен 2018 жылдың 19 шілдесінде ұрылар қолынан қаза тапты.