Сауд Арабиясы үкіметі қажылардың санын миллионға дейін көбейту туралы шешім қабылдады. Биыл қажылыққа шетелдіктер де бара алады.
Сауд Арабиясында биыл қажылар саны бойынша лимит өсетіні туралы Сауд Арабиясының баспасөз агенттігі жергілікті Қажылық және умра министрлігіне сілтеме жасап хабарлады. Мұндай шешім қажылықтың үздіксіз орындалуын сақтауға негізделгені атап өтілді. Ел билігі бүкіл әлемдегі мұсылмандардың көпшілігіне өз міндеттерін орындауға мүмкіндік бергісі келеді. Алайда Сауд Арабиясы үкіметі қажылық кезінде санитарлық нормалар мен ережелерді сақтауға тырысады. Атап айтсақ:
–ққажылар 65 жастан кіші болуы керек және Сауд Арабиясының Денсаулық сақтау министрлігі мақұлдаған препаратпен COVID-19 вакцинациясының барлық кезеңдерінен өтуі керек;
– Сауд Арабиясына барғанға дейін 72 сағат ішінде жасалған ПТР-тестінің теріс нәтижелері болуы керек. Қажылық министрлігі рәсімдер кезінде эпидемияға қарсы қауіпсіздік шараларын сақтау керектігін атап өтті.
Дәстүр бойынша мұсылмандар қажылықты шілде айының соңында жасайды. Жыл сайын Мекке мен Мединада қажылыққа бару үшін әлемнің түкпір-түкпірінен шамамен 2,5 миллион адам жиналады. 2020 жылы Сауд Арабиясы билігі пандемияға байланысты басқа елдерден келген қажылар үшін шекараны толығымен жауып тастады. Ол кезде қажылыққа барғандар саны мың адамға дейін шектелген.
