Қазақстандық боксшы қыз Ангелина Лукас өзінің Instagram парақшасында WBA Super, IBF және IBO нұсқалары бойынша орта салмақтағы әлем чемпионы Геннадий Головкиннің жапондық Риота Муратаны жеңгені туралы айтты.
Әлеуметтік желідегі сторис бөлімінде Лукас: "Геннадий Головкиннің жеңісін атап өтіп жатырмыз. Мен бүкіл Қазақстанды әдемі жеңіспен құттықтағым келеді. Жекпе-жектен кейін Геннадий өзін өте әдемі ұстады – қарсыласына сыйлық жасады. Геннадийді жақсы көреміз және оның бүкіл командасын құттықтаймын! Алға, Қазақстан!» – деп жазды.
Жекпе-жектен кейін Головкин Муратаға шапанын сыйлап, оған WBA Super чемпионы белбеуін қайтарғанын еске сала кетейік.
