Қазақстан кәсіпқой бокс федерациясының президенті Виктор Демьяненко Головкин-Мурата жекпе-жегі туралы Vesti.kz басылымына сұхбат берді.
«Головкин, ашығын айтқанда, таңғалдырмады. Бұл оның ең жақсы жекпе-жегі емес еді. Мурата туралы да осылай айтқым келеді. Әдетте жекпе-жектерінде ол белсенді болатын. Бұл жолы жапондық боксшы қатал және монотонды әрекет етті. Егер Мурата өзінің барлық әлеуетін сақтап қалса, Головкин үшін бұл өте қиын болар еді», – деді ол.
Қазақстан кәсіпқой бокс федерациясының президенті тіпті төреші ретінде алғашқы 5 раундты Муратаға берер едім деген пікірде.
«Головкин жақсы бастады, бірақ мәрені Мурата алды. Жалпы, Геннадийге жылдамдық жетіспеді, ол күшін үнемдеді. Шынымды айтсам, бұл жаттықтырушының үлкен кінәсі»,- деп мәлімдеді Виктор Демьяненко.
Головкин мен Саул Альварес арасындағы үшінші жекпе-жек туралы айта келе, Демьяненко мұндай жекпе-жектің болуы мүмкін екенін атап өтті.
