Қазақстан арқылы Ресейден Тәжікстанға бара жатқан жүк көлігі өртеніп кетті, – деп хабарлайды Түркістан облысы ПД баспасөз қызметі.
Өрт 9 сәуір күні сағат 21.00-де болған. Аудандық полиция бөлімінің 102 пультіне Жиенқұм ауылының жанындағы Самара-Шымкент тасжолының 73-шақырымында жүк автокөлігі жанып жатқаны туралы хабарлама түскен.
«Өрт болған жерде аудандық бөлімнің жедел-тергеу тобы шықты. Тәртіп сақшылары Ресейден Тәжікстанға бара жатқан Volvo маркалы жүк көлігі тіркемесінің баллоны жанғанын анықтады», – делінген хабарламада.
Өрт сөндірілді. Жол тазаланып, қозғалыс ашық.
Аталған дерек Бәйдібек АПБ-да тіркелді. Полицейлер оқиғаның мән-жайын анықтап жатыр.
