Балқаш жағалауынан ер адамның мәйіті табылды
Балқаш жағалауынан ер адамның мәйіті табылды
Өткен жылдың қараша айында жоғалып кеткен Балқаш қаласының тұрғыны көл жағасынан өлі табылды. Марқұмның денесінде зорлық белгілері жоқ. Жуырда Балқаш қалалық ішкі істер бөліміне көл жағасынан ер адамның мәйіті табылғаны туралы хабарлама келіп түсті. Марқұмды жақын маңдағылар тауып алған. Мән-жайды анықтаған соң, марқұмның өткен жылдың 24 қарашасында жоғалып кеткен 51 жастағы Болат Дюсембаев екені белгілі болды.
"Жоғалғаны туралы арыз түскеннен кейін жедел-іздестіру шаралары басталды. Көлдің жағасында оның жеке заттары табылды. Алайда көлге мұз қатқандықтан құтқарушылар көлді тексере алмады", - деп хабарлады Қарағанды облысы ПД баспасөз қызметі.