Жамбыл облысында саңырауқұлақ теруге барған бес адам адасып кеткен. Бұл туралы Жамбыл облысы Төтенше жағдайлар департаменті хабарлады.
Талас ауданы Ойық ауылы маңайында 60 шақырым жерде саңырауқұлақ теруге шығып, хабар-ошарсыз кеткен адамдар табылды.
Үш жігіт үйінен күндізгі сағат 11-лер шамасында шығып кеткен. Құтқарушылар 1978, 1991 және 1995 жылы туған үш азаматты түнгі сағат 23.20-да тапты.
Дәл осындай жағдай дәл сол күні Мойынқұм ауданында да болған. Қылышбай ауылынан 50 шақырым жерде ТЖД қызметкерлері түнгі 01.35-те 1985 жылы туған 2 азаматты іздеп тапты. Жоғалып табылған екеуі де 11 сәуір күндізгі сағат 11-лер шамасында саңырауқұлақ теруге шығып, адасып кеткен.
