Түркістан облысының полицейлері әріптесінің атынан миллион теңге несие рәсімдеген әйелді қолға түсірді. Бұл туралы "Отырар" арнасы хабарлады.
Алаяқтың құрбаны болғаны әйел полицияға шағым түсірген. Ол ұялы телефонына қарызды төлеу туралы банк хабарламасы келгенін, бірақ өзінің несие алмағанын айтты.
Полицейлер күдіктінің кім екенін анықтады. Ол зардап шегушінің қызметтесі болып шықты. Өзі созақ ауданында тұрады екен.
Алаяқ әріптесінің телефонын сұрап, банк қосымшасы арқылы несие рәсімдеген. Қаражатты өзіне аударып, қажетіне жұмсаған. Қазір сотқа дейінгі тергеу амалдары жүруде.
