Биыл Қазақстан Республикасы Қарулы күштерінің құрылғанына 30 жыл толуына және 1941-1945 жылдары Ұлы Отан соғысындағы Жеңіс күніне арналған әскери парад өтпейді.
«2022 жылы Қазақстанда әскери шеру өткізу бюджет қаражатын үнемдеу үшін, сондай-ақ басқа да міндеттерді орындау қажеттігіне байланысты жоспарланбаған. Атап айтқанда, Қазақстан Қарулы күштері бөлімшелерінің жауынгерлік әзірлігі мен ұтқырлығының қажетті деңгейіне қолдау көрсету, мемлекеттік және әскери нысандарды күзету мен қорғауды қамтамасыз ету жөніндегі міндеттерді орындауға басымдық беріледі» делінген министрліктің ресми хабарламасында.
Былтыр Президент Мәскеудегі Жеңіс күніне арналған парадқа қатыспаған еді.
