Кәсіпқой теннисшілер қауымдастығы (ATP) және Әйелдер теннисі қауымдастығы (WTA) жаңартылған рейтингіні жария етті.
Қазақстан теннис федерациясы мәлім еткеніндей, еліміздің бірінші ракеткасы Александр Бублик екінші апта бойы көрсеткішін жақсартып келеді. Қазір ол 36-дан 33-орынға көтерілді. Дмитрий Попко 173-тен 171-ге, Тимофей Скатов 193-тен 191-ге жайғасса, Михаил Кукушкин 162-ден 167-ге сырғыды. Денис Евсеев 347, Бейбіт Жукаев 512-орында қалды.
Жұптық сында Андрей Голубев 26, Александр Недовесов 62-сатыда тұрса, Григорий Ломакин 242-сатыға жоғарылады.
Қазақстанның бірінші ракеткасы Елена Рыбакина 19-орнын сақтап қалды. Ал Юлия Путинцева 52-ден 51-ге, Зарина Дияс 113-тен 112-ге көтерілді.
Жұптық сында Анна Данилина 20, Жібек Құламбаева 301, Гөзал Айнитдинова 498-сатыда келеді.
А.ЖАСАНҰЛЫ
