Кітапханалардың жұмыс форматы өзгеріп жатыр - министр
Кітапханалардың жұмыс форматы өзгеріп жатыр - министр
Білім және ғылым министрі Асхат Аймағамбетов елордада өтіп жатқан кітап көрмесіне қатысып, Facebook желісінде әсерлерімен бөлісті. «Бүгін елордамызда өтіп жатқан кітап көрмесіне бардым. Қазақ тіліндегі кітаптар саны көбейгені қуантады. Әсіресе балалар үшін өте қызықты, заманауи сұранысқа ие кітаптар саны артып келеді», - деді Асхат Қанатұлы. Министр балаларды кітап оқуға баулу мақсатында «Оқуға құштар мектеп» республикалық жобасын іске асырып жатқандарын мәлімдеген. Осы жоба шеңберінде мектеп кітапханаларына әдеби кітаптар сатып алыныпты. «Сондай-ақ кітапханалар жөндеуден өтіп, оның жұмыс форматы өзгертіліп жатыр. Мен әр мектепке барғанда дәл осы жобаның іске асырылуына ерекше көңіл бөлемін. Барлық мектеп пен колледжде бұл жұмыс жүйелі түрде жүргізілуі керек», деп жазды Білім және ғылым минстрі.