Қаржылық мониторинг агенттігінің мәліметіне қарағанда, жыл басынан бері жалған ақша жасау фактілері бойынша 12 іс сотқа жіберілген. Оның ішінде 7 жағдай Нұр-Сұлтан қаласында тіркелсе, Батыс Қазақстанда 2 дерек және Маңғыстау облысында 2 дерек, Түркістан облысы мен Шымкент қаласында тағы бір-бір фактіден есепке алынған.
«Қабылданған шаралар жалған банкноттардың сатылуына жол бермеді. Олардың жалпы саны 67 мың АҚШ долларын құрайтын 1200 данадан асады», - деп жазды ведомстводан.
Осылайша, Нұр-Сұлтан қаласында жалған шетел валютасын сақтау және сатумен айналысқан тұлғалар ұсталды. Заңсыз айналымнан жалпы сомасы 55 700 АҚШ доллары, номиналы 50 АҚШ долларын құрайтын 1 114 жалған банкнот тәркіленді. Тергеу нәтижесі сотқа жіберілді. Қылмыстық-процессуалдық кодексінің 201-бабына сәйкес өзге мәліметтер жария етілмейді.
