Машина жасау ісінде даму бар
Машина жасау ісінде даму бар
Машина жасау саласындағы отандық өнімнің үлесі 41 пайызды құрайды. Өткен жылы қазақстандық машина жасау кәсіпорындары ішкі нарықты жалпы құны 17 миллиард АҚШ долларын құрайтын өніммен қамтамасыз еткен. Премьер-Министр Әлихан Смайылов пен Қазақстан машина жасаушылар одағы басқармасының төрағасы Мейрам Пішембаевтың кездесуінде айтылды. Кездесуде Машина жасаушылар одағының басшысы саланың жай-күйі, қазіргі жағдайда алда тұрған міндеттер мен даму перспективалары туралы баяндады. 2021 жылы елдегі темір жол машинасын жасау 300 пайызға, ауыл шаруашылығы машинасын жасау 50,4 пайызға, тау-кен металлургиясы машинасын жасау 29,3пайызға, автомобиль өндірісі 24 пайызға артқан. Бұдан бөлек,басқосуда Машина жасау саласын дамытудың 2024 жылға дейінгі жол картасын іске асырудың жай-күйі сөз болды.

Ш.АТЫХАНҰЛЫ