"Бірге – таза Қазақстан": елордалықтар 4 мыңнан астам ағаш отырғызды
"Бірге – таза Қазақстан": елордалықтар 4 мыңнан астам ағаш отырғызды
16 және 23 сәуірдегі жалпықалалық сенбілікке 123 мыңға жуық адам, 7 600-ден астам кәсіпорындар, ұйымдар мен мекемелер қатысты. Жалпы ауданы 5,4 млн шаршы метрден астам саябақтар мен гүл бақтарын жинау жүргізілді, 4 мыңнан астам көшет (емен, татар үйеңкісі, қарағай, жөке, қайың, пирамидалық терек, қарағай) отырғызылды. Полигонға 1 мың 860 тоннадан астам қалдық жиналып, шығарылды, деп хабарлайды елорда әкімдігінің ресми сайты. Бүгін Мемлекет басшысы "Бірге – таза Қазақстан" жалпыреспубликалық экологиялық акциясы аясында Ботаникалық бақта өткен жалпықалалық сенбілікке және ағаш отырғызуға қатысты. Жалпықалалық сенбілікке Парламент Сенатының төрағасы, Парламент Мәжілісінің төрағасы, Премьер-министр, Президент Әкімшілігінің Басшысы, Үкімет мүшелері, Нұр-Сұлтан қаласының әкімі, дипкорпус, еңбек ұжымдары, МИБ (КСК) ұжымдары, сондай-ақ эковолонтерлер, Президенттік жастар кадрлық резервінің мүшелері, қоғамдық және жастар ұйымдарының өкілдері, белсенді тұрғындар қатысты. Іс-шара қысқы кезеңнен кейін қаланы абаттандыру, көгалдандыру және санитарлық тазалау бойынша жұмыстарды жүргізуге бағытталған.  width=
"Бізде Мәңгілік Ел көшесі мен Тұран көшесіне дейінгі аумақ бар. Адамдар сенбілікке барғысы келеді. Сенбіліктер-бұл жалпы командалық рухты көтеретін іс-шара деп санаймын. Мектеп кезінен бастап аумақтарды тазарту күнделікті күйбең тіршіліктен алшақтауға көмектескенін есіме түсіремін. Бұл жерде әріптестерімізге жұмыс призмасынан тыс қарап, бірігіп, моральдық тұрғыда демалып, дене шынықтырумен айналыса аламыз", - дейді ҚР ҰЭМ Ішкі әкімшілендіру департаменті директорының орынбасары Тілеубек Белгіберзин.
Қаланың кейбір ұжымдары мұндай сенбілікке жыл сайын шығатынын атап өтті. Мысалы, Президент әкімшілігіндегі бөлім меңгерушісі Ғани Тілеубеков әкімшілік 1998 жылдан бастап қалада 6 мыңнан астам ағаш отырғызғанын айтты.  width=
"Биыл біз дәстүр бойынша жалпықалалық сенбілікке шықтық. Біз 1998 жылдан бастап қаламызды көгалдандыру, жинау бойынша сенбіліктерге қатысамыз. Біз өз үлесімізді қосудамыз, осындай сенбіліктердің өткізіліп жатқанына ризамыз", - деді Тілеубеков.
Жастар өкілі Әділет Көлекпай мұндай сенбіліктерді жиі өткізу керек деп есептейді, бұл ретте жастар қаланы көгалдандыру мен тазартуға ықыласпен қосылатынын атап өтті. Қала ұжымдарының белсенді қатысуы – қоғамның біздің табиғатымызға ұқыпты қарауының басты белгісі, деп есептейді Әлия Құспанова.
"Көңіл-күй де, ауа – райы да жақсы-барлығы тату ұжым болып жұмыс істеуге мүмкіндік беріп тұр. Тіпті балаларын ертіп келгендер де бар. Біз үшін бұл жұмыстан тыс ортада сөйлесуге жақсы себеп. Осылайша, біз балаларды, жастарды еңбекке баулимыз", - деп бөлісті әйел.
 width=Қаламыздың ақсақалдары да қарап қалған жоқ. Зейнеткер Шынболат Беркалиев Белсенді ұзақ өмір сүру орталығының тұрақты келушісі болып табылады. Бүгін ол барлық тұрғындар сияқты сенбілікке шығып, елорданы көркейтуге өз үлесін қосты.
"Бүгін қаланың барлық аудандарында сенбіліктер өтуде. Біз, Белсенді ұзақ өмір сүру орталығының өкілдері өз үлесімізді қосуға келдік. Барлық тұрғындарды астанамызды таза ұстауға, бүлдірмеуге және оған күтім жасауға шақырамын", - деді ақсақал.