Геннадий Головкин әлемнің үздік боксшылары рейтингінде төмен сырғыды
Геннадий Головкин әлемнің үздік боксшылары рейтингінде төмен сырғыды
Қазақстандық боксшы Геннадий Головкин (42-1-1, 37 КО) әлемнің үздік боксшылары рейтингінде көшбасшы позициясынан айырылып қалды, деп хабарлайды  «Қазақстанның кәсіпқой боксы» парақшасы. Boxrec.com сайты жапондық Риота Муратаны (16-3, 13КО) жеңген Головкиннің рейтингін кезекті мәрте жаңартты. Ендігіде Геннадий Головкин салмақ санатына қарамастан барлық боксшылар енген (pound-for-pound) BoxRec рейтингінде екінші орында тұр. Оның ұпайы – 688,7. Айта кетейік, аталған ресурс GGG-ді Муратамен айқастан кейінгі келесі күні бірінші орынға шығарған болатын. Boxrec.com рейтингінде бірінші орын қайтадан максикалық боксшы Сауль «Канело» Альвареске (57-1-2, 39КО) берілді, 869,7 балл. Әлемнің үздік боксшыларының үштігін америкалық Теренс Кроуфорд (38-0, 29КО) түйіндеп тұр, 513,6 балл.⠀