Қаржылық мониторинг агенттігінің Қарағанды облысы бойынша департаменті Қарттар үйінен ұрланған қаржыға қатысты тергеу жүргізіп жатыр. Агенттіктің мәліметінше, зейнетақы төлемдері мен жәрдемақыны ұрлау фактісі бойынша қылмыстық істі тергеп жатыр. Қарттар үйінде 90 адам қамқорлыққа алынған, оның 30-ы – мүгедек, 60-ы – зейнеткер. Осы қылмысты жасады деген күдікпен ҚК-нің 190-бабы 3-бөлігінің 3-тармағы бойынша Қарағанды облысындағы қарттар үйінің меңгерушісі және әлеуметтік қызметкері ұсталып, уақытша ұстау изоляторына қамалды. Қарттар үйінің басшысы 2 айға қамауға алынды.