Астанада «Құқықтық тәртіп» арнайы операциясы кезінде 39 жастағы елорда тұрғыны ұсталды. Полицейлер Кинологиялық қызмет орталығының итімен тінту барысында «Мирный» гараж кооперативінен полиэтилен қап ішінен есірткі тапты. Салмағы – 25 келі. ПД Есірткі қылмысына қарсы іс-қимыл басқармасының бастығы, полиция полковнигі Ерлан Акбаровтың айтуынша, тәркіленген есірткі 5 мың рет тұтынуға жетеді. Қара нарықтағы құны 30 миллион теңге болады. Факті бойынша ҚР ҚК 297-бабы 3-бөлігі бойынша сотқа дейінгі тергеу басталды. Күдікті өз кінәсін мойындады. Оның сыбайластары іздестіріліп жатыр.