Білім және ғылым министрлігі ұлттық бірыңғай тестілеу басталғалы қанша талапкерден өтінім түскенін жариялады.
«ҰБТ тапсыруға құжат қабылдаудың алғашқы күнінде 114 мыңға жуық өтініш түсті», – деп хабарлады ведомство.Еске сала кетейік, кеше кешкісін негізгі ҰБТ-ға өтініш қабылдау басталған еді. Ол 14 мамырға дейін жалғасады. ҰБТ-ға қатысу үшін орталықтың ресми сайтында тіркеуден өтуге болады. Тестілеудің өзі 16 мамырдан 5 шілдеге дейін өтеді. Бұл ретте талапкерлер негізгі ҰБТ-ны екі рет тапсырып, үздік нәтижемен гранттарды тағайындау конкурсына қатыса алады. Бұған дейін оқушылардың жазғы демалысы қашан басталатынын хабарлаған болатынбыз.