Атырау облысында жоғалған 11 адам табылды. Бұл туралы облыстық Төтенше жағдайлар департаментінің баспасөз қызметі хабарлады.
9 мамыр күні сағат 10.50-де Исатай ауданында Аққыстау ауылынан 160 шақырым жерде Атырау облысы ТЖД күшімен 11 адам (жүргізуші мен жолаушы) іздестірілді. Олар 8 мамыр күні сағат 14.00-де "УАЗ" маркалы автокөлігімен Махамбет ауданына қарай жолға шығып, қолайсыз ауа райына байланысты жолдан адасқан.
"Жоғалған жолаушылар 9 мамыр күні сағат 14.50-де Исатай ауданында Жасқайрат елді мекенінен 85 шақырым қашықтықта табылды. Зардап шеккендер жоқ. Медициналық көмек қажет емес. Қазір Жасқайрат елді мекенінен Х.Ерғалиев ауылына аман - есен жеткізіліп, туыстарына тапсырылды", – деп хабарлады ТЖД.
