Щучинск қаласында өртенген базардан ер адамның мәйіті табылды – видео

Щучинск қаласында өртенген базардан ер адамның мәйіті табылды – видео

Щучинск қаласында 100-ге жуық өрт сөндіруші өртенген базарды сөндірді.

Бүгін, 18 мамырда сағат 04-50-де Ақмола облысы, Бурабай ауданының Щучинск қаласында "Жомарт" базарының бір қабатты жеке тұрған ғимараты өртеніп кетті. Өртті сөндіруге 97 өрт сөндіруші жіберілді, – деп хабарлайды Ақмола облысы ТЖД баспасөз қызметі.

 

Өрттің жалпы аумағы 1700 шаршы метрді шарпыған. Ал ғимараттың жалпы ауданы – 3000 шаршы метрді 45 минут ішінде өрт сөндірушілер өртті оқшаулап, жалынның таралуына жол бермеді. Осылайша екі сағат ішінде өртті толығымен сөндірді.

 

Думан Қайратұлы – Мемлекеттік өрт бақылау басқармасының бастығы

Өрт сөндіру барысында ер адамның денесі табылды. Алдын ала болжам бойынша ол базардың күзетшісі болуы мүмкін. Қазіргі таңда анықтау жұмыстары жүргізілуде. Өрт орнында өрт-техникалық зертханасы, полицейлер жұмыс істеуде. Өрттің шығу себебі анықталуда. Өртті сөндіруге ТЖД 97 қызметкері мен 25 техника, жергілікті атқарушы органдардың үш қызметкері мен үш техникасы жұмылдырылды.

 

Aikyn.kz | Бүгінгі жаңалықтар. Әлем және Қазақстан жаңалықтары.