Бозжыра шатқалы маңында тест-драйв ұйымдастырғандар мен жүргізушілер анықталды, деп хабарлайды Tengrinews.kz.
"2022 жылдың 16 мамырында желіде блогерлер Бозжыра шатқалының жанында жаңа жол талғамайтын көлікті сынақтан өткізген видео пайда болды. Қазір ұйымдастырушылар мен жүргізушінің жеке басы анықталды. Мемлекеттік нөмірсіз көлік жүргізгені үшін жүргізушіге ҚР ӘҚБтК-нің 590-бабы, 2-бөлімі бойынша әкімшілік хаттама толтырылды", – деп хабарлады Маңғыстау облысы Полиция департаменті.
Әлеуметтік желіде «Бозжыра» шатқалы маңында түсірілген видео желі қолданушыларын ашуландырды. Видео маңғыстаулық Азамат Сәрсенбаев есімді блогердің парақшасында пайда болды. Оның кадрларынан ер адам балғамен тасты жерді ұрып, үгітіп жатқанын байқауға болады.
