Шымкентте белгісіз біреулер аяусыз соққыға жыққан ер адам есін жимастан көз жұмды

Шымкент
Көрнекі сурет: 1tulatv.ru

Шымкентте 16 мамыр күні белгісіз біреулер көшеде аяусыз соққыға жыққан ер адам ауруханада көз жұмды, – деп хабарлайды  Отырар Telegram-арнасы.

Арысбек Дәулетбеков қатты соққы салдарынан комаға түскен. Дәрігерлердің айтуынша, оның жағдайы өте ауыр болған. Ауруханаға түскен кезде оған бас сүйек-ми жарақаты, бас миының контузиясы, қан құйылу диагнозы қойылды.

Ер адамның туыстарының айтуынша, полицейлер күдіктілерді ұстағанымен, кейін белгісіз себептермен босатып жіберген. Марқұмның әйелі Әйгерім Дәуітбекова 38 жастағы күйеуін бейтаныс адамдар ұрып, ес-түссіз көшеде қалдырғанын айтады.

Бұған дейін журналистерге берген сұхбатында Әйгерім күйеуі екеуі үш бала тәрбиелеп отырғанын, оларға әкесінің ауруханада жатқанын әлі айтпағанын айтқан еді.

Aikyn.kz | Бүгінгі жаңалықтар. Әлем және Қазақстан жаңалықтары.