Павлодарлық кейуана баласын полицияға берді

Павлодарлық кейуана баласын полицияға берді 1

Павлодарда алкогольді асыра пайдаланған 49 жастағы жұмыссыз ер адам қарт анасымен жанжалдасқан. Анасы полицияға қоңырау шалып, келулерін сұраған. Полиция қызметкерлері аталған пәтерге келіп, осындай жағдай орын алғанын анықтады. Ол отбасылық-тұрмыстық құқық бұзушылық жасағаны үшін жауапкершілікке тартылды.

Павлодар облысы полиция департаментінің мәліметінше, сондай-ақ ер адам өзі үшін қажетті тиісті тұжырымдар жасамаған және ішімдік ішуді, жанжал шығаруды жалғастырған. Зейнеткер тәртіп сақшыларынан ұлын әрекеттері үшін жазалауды сұрады.

«ӘҚБтК-нің 73-бабының 2-бөлімі бойынша ер адам әкімшілік жауапкершілікке тартылды, оған сәйкес сот 10 тәулік мерзімге әкімшілік қамау түрінде жаза тағайындады. Сонымен қатар, ер адамның мінез-құлқына ерекше талаптар қойылады, оған үш ай бойы алкоголь, есірткі және психотроптық заттарды қолдануға тыйым салынады», - деп жазды ведомстводан.

 

Aikyn.kz | Бүгінгі жаңалықтар. Әлем және Қазақстан жаңалықтары.