Украинаның бейбіт тұрғынын өлтірген ресейлік сарбаз өмір бойына сотталды

Украина
© REUTERS

Киевте сот Сум облысының қарусыз тұрғыны 62 жастағы Александр Шелиповты өлтірген 21 жастағы ресейлік әскери қызметші Вадим Шишимаринді өмір бойына соттады

Вадим Шишимарин сотта өзінің кінәлі екенін мойындап, қайтыс болған ер адамның жесірінен кешірім сұрады.  РФ сарбазы Александр Шелиповты өлтіргісі келмегенін, офицердің бұйрығымен атқанын айтты.  Адвокат сотталушыны ақтауды сұрады.

Сотта келтірілген дәлелдерге сәйкес, 28 ақпанда Шишимарин келе жатқан колонна оқтың астында қалған.  Бірнеше сарбаз қашып бара жатып, жолда кетіп бара жатқан жеңіл көліктің дөңгелегін атып, оны басып алған. Олар жолда телефонмен сөйлесіп бара жатқан ер адамды көрген. Украиндық әскерилерге хабарлауы мүмкін екенін айтып, қасындағылар оған атуды бұйырған.  Шишимарин көлік терезесінен ер адамды автоматпен атып өлтірген.

Кейін Шишимарин тұтқынға түскен.

Aikyn.kz | Бүгінгі жаңалықтар. Әлем және Қазақстан жаңалықтары.