ШҚО Полиция департаментінің мәліметінше, полицейлер жедел іздестіру нәтижесінде, жылқы ұрлаған ер адамды ұстады. «Ол Семейдегі шаруа қожалығының 42 жастағы иесіне тиесілі 29 бас жылқыны жайылымнан ұрлап әкеткен. Жәбірленушіге 8 100 000 теңге мөлшерінде материалдық залал келтірді. Полицейлер 58 жастағы қала тұрғынын ұстап, изоляторға қамады», – деді полицейлер. ҚК-нің 188-бабы 1-бөлігіне сәйкес сотқа дейінгі тергеу жүргізіліп жатыр. Бұған дейін жалақысын бермей қойған жездесінің қошқарын ұрлап кеткен ер адам туралы жазған болатынбыз.