Алматы облысының Сарқан аудандық сотында қызын өлтірген анасы мен әйелдің ағасына қатысты бұлтарпау шарасын қолдану мәселесін қаралды. Сол жерде оқиғаның мән-жайы анықталды.
Сот мәліметі бойынша, 8 ақпанда қыздың анасы мен ағасы таксимен қызын алып келе жатып, жолда түсіп қалған.
"Сол кезде ағасына тумасынан аурушаң және есепте тұрған баласын қарай алмайтынын, көргісі келмейтінін айтып оны өлтіру керек екені туралы ұсыныс жасаған, келіспеген жағдайда өзіне өзі қол жұмсайтынын жеткізген. Ағасы қарындасының сөзіне келісіп баланы өлтіруге алдын ала сөз байласқан. Қызды өлтіруге бағытталған ойын іске асыру үшін қала сыртында орналасқан, бұрынғы зауыт маңындағы қоқыс төгетін жердің еңісіне қарай түсіп, дәрменсіз баланы жерге жатқызып қылғындырып өлтірген", - дейді соттың баспасөз қызметіндегілер.
Осылайша, баланың бақилық болғанына көз жеткізіп, мәйітті жасырып, оқиға орнынан бой тасалаған.
Қазіргі кезде күдіктілер өз жасаған қылмысын мойындап, үйқамақта ұстау бұлтартпау шарасын сұраған. Бірақ тергеу аяқталғанша екі ай мерзімге күзетпеу ұстау санкциясы берілді. Қаулы заңды күшіне енген жоқ.
