Қазақстандық жасөспірім спортшы Алан Құрманғалиев халықаралық аренада үстел теннисінен тағы бір медаль жеңіп алды.
Ол Испанияда өтіп жатқан халықаралық WTT Youth Contender турнирінде бақ сынаған болатын. Аталған додада Азия, Еуропа және Оңтүстік Американың спортшылары сайысқа түсті. 15 жас санатындағы спортшылар арасында Алан Құрманғалиев Давиде Лоренцо (Италия), Олег Стефанович (Польша), Тиаго Олхеро (Португалия), Куо Гуан-Хонг (Тайпей), Тамито Ватанабе (Жапония), Тиаго Абиодана (Португалия) сынды атлетті ұтып, жүлделі екінші орынға ие болды.
