Теміртауда баланы зорлаған ер адам соттың ғимаратында асылып қалды

Теміртауда баланы зорлаған ер адам соттың ғимаратында асылып қалды
© tengrinews.kz

Теміртау қалалық сотының уақытша ұстау изоляторына қамалған күдікті өз-өзіне қол жұмсады, - деп хабарлады Қарағанды ​​облысы полиция департаменті. 

Оқиға 57 жастағы күдіктіге қатысты бұлтартпау шарасы санкцияланғаннан кейін болған.

"Ұсталған азамат кәмелетке толмағанға қатысты сексуалдық сипаттағы зорлық-зомбылық әрекеттерін жасады деген күдікке ілінді. Осы факті бойынша Қылмыстық кодекстің 105-бабының 1-бөлігі "Өзін-өзі өлтіруге апару" бойынша сотқа дейінгі тергеп-тексеру амалдары жүргізілуде", - делінген хабарламада.

Облыстық соттың баспасөз қызметі күдіктіні сот ғимаратының арнайы бөлмесіндегі камераға шығарып салып, қамауда ұстағанын, ол жерде өз-өзіне қол жұмсағанын хабарлады.

Қарағанды ​​облысы полиция департаментінің ішкі қауіпсіздік басқармасы сотқа дейінгі тергеп-тексеру жұмыстарын жүргізіп, сотталушыны қадағалауы тиіс Теміртау қалалық ІІБ қызметкерлерінің қызметтік міндеттеріне немқұрайлы қарауы фактісі бойынша сотқа дейінгі тергеу амалдарын бастады.

Aikyn.kz | Бүгінгі жаңалықтар. Әлем және Қазақстан жаңалықтары.