Ақтөбе облыстық Полиция департаментінің мәліметінше, жүк көлігі мен екі автобус соқтығысты. Жол апатынан жолаушылар жарақат алды.
Ақтөбе қаласында жүк көлігі мен №21және №45 бағыттағы автобуспен соқтығысты.
«Самара-Шымкент тасжолында HOWA маркалы жүк көлігі жылдамдықты бәсеңдетпей, №21 бағыттағы автобусқа соқтығысты. Автобуста 45 жолаушы болған. Апат салдарынан №21 бағыттағы автобус №45 бағыттағы автобусқа соқтықты. Екінші автобуста 33 жолаушы болған. Жарақат алған жеті жолаушы ауруханаға жеткізілді» делінген ресми хабарламада.
Бұған дейін елордада КамАЗ жүргізушісі полицейлермен төбелескені туралы жазған болатынбыз.
