Ақтауда суға батып кеткен жасөспірімнің денесі табылды

Ақтауда суға батып кеткен жасөспірімнің денесі табылды 1

Ақтауда 2 маусым күні суға батып кеткен жасөспірімнің денесі табылды. 

Lada.kz порталының жазуынша, 2 маусымда 2005 жылы туған жасөспірім суда жүзіп жүріп батып кеткен. Оның денесін құтқарушылар жағадан 100 метр қашықтан тапқан.

16 жастағы бала арнайы тақтаймен (SUP-борд) теңізге шыққан.

«Таңғы сағат 08.35-те Каспий теңізінің жағалауында Төтенше жағдайлар департаментінің күштері 2 маусымда серфинг жасап жүзіп жүріп суға батып кеткен 2005 жылғы жасөспірімнің мәйітін тауып, жағаға шығарды», – деді Ақтау қаласы Төтенше жағдайлар басқармасының аға тергеушісі Есен Борашев.

Белгілі болғандай, қайтыс болған жасөспірім Бейнеу ауылының тұрғыны екен.

Aikyn.kz | Бүгінгі жаңалықтар. Әлем және Қазақстан жаңалықтары.